Հաշվի առնելով երկրում տիրող իրավիճակը, ուսումնական հաստատությունները տեղափոխվել են հեռավար ուսուցման։ Ըստ այդմ ցանկանում եմ ներկայացնել ապրիլ ամսվա իմ ուսումնական պլանը։
- Շարունակելու եմ աշխատել Կորոնավիրուսը և հակաբացիլ հումորները նախագծի շրջանակում, հրապարակելով երկրում տիրող իրավիճակի և նորությունների վերաբերյալ։ Ինչպես նաև նախատեսել եմ շարունակել գործունեությունս Ֆիլմադարակ նախագծում, տեղադրելով քրիստոնեական ֆիլմեր։
- Այս ընթացքում առավելագույնս շատ ժամանակ եմ տրամադրում ընթերցանությանը։ Ներկայիս ընթերցում եմ Փիթեր Սուրյանի <<Միրի>> վեպը։
- Ազատ ժամանկս փորձում եմ տրամադրել ինքնակրթությանը՝ բարելավելով գերմաներեն և անգլերեն լեզուների իմացությունը։ Նախատեսում եմ սովորել մեկ այլ լեզու առցանց հավելվածների օգնությամբ։
- Որոշել եմ մասնակցել նոր նախագծերում և լրացնել գիտելիքներիս պաշարը։ Քանի որ շատ եմ սիրում ստեղծագործել, երբեմն գրում եմ բանաստեղծություններ, որոնք շարունակական բնույթ կկրեն այս օրերի ընթացքում։ Նախագծել եմ դիտել ամերիկյան ֆիլմեր, և առաջիկայումս առանձնացրել եմ <<Հպարտություն և նախապաշարմունք>> ֆիլմը։
Անիչկա Միքայելյան 